Gruaja denoncon nënën dhe motrën për dhunë psikike

Një rast i dhunës në familje është raportuar dje rreth orës 10:00 në Istog, ku një grua ka denoncuar nënën dhe motrën e saj për ushtrim presioni psikik.

Burime të Sinjalit bëjnë të ditur se viktima, rreth 35-vjeçare që jeton në Itali, është paraqitur në polici dhe ka raportuar se nëna dhe motra e saj po i shkaktojnë dhunë psikike përmes rrjeteve sociale.

Sipas deklarimeve të saj, ato po e detyrojnë të ndërpresë lidhjen me një djalë, duke ushtruar presion të vazhdueshëm.

Policia ka shkuar në shtëpinë e të dyshuarave, por nuk i ka gjetur aty. Ato janë kontaktuar me telefon, mirëpo nuk kanë pranuar të paraqiten në stacion policor.

Pas konsultimit me Prokurorin e Shtetit, është urdhëruar hapja e rastit si “Dhunë në familje”.