E trishtë: Ky është personi që dyshohet se i dha fund jetës

Sot rreth orës 19:20, Policia e Kosovës ka pranuar një informacion se në lagjen Puhovc të qytetit të Pejës, është hasur një person pa shenja jete.

Gazeta mëson nga burimet se bëhet fjalë për një vetëvrasje. Siç merr vesh Sinjali, personi që dyshohet si ia mori jetën vetës është Hivzi Zhara.

Lajmin për vdekjen e ka konfirmuar për Gazetën Sinjali edhe Policia e Pejës.

“Pas ekzaminimeve fillestare, nga ana e stafit mjekësor është konstatuar se viktima ishte pa shenja jete”, tha Driton Rugova, zëdhënësi i Policisë për rajonin e Pejës.

Aktualisht, njësitet hetimore janë duke ndërmarrë të gjitha veprimet e nevojshme hetimore për të sqaruar rrethanat e rastit.

Me urdhër të prokurorit kompetent, është iniciuar rasti dhe po trajtohet në bashkëpunim me institucionet përkatëse.

Hetimet janë në vijim.