Vajza nën ndikim të alkoolit kanos me thikë nënën e saj në Prishtinë
Një rast i rëndë i dhunës në familje ka ndodhur mbrëmë në rrugën “Eduard Lir” në Prishtinë, ku një vajzë ka kanosur me thikë nënën e saj.
Sipas burimeve të Sinjalit, rreth orës 21:00 minuta, M. M. ka raportuar në Polici se është kanosur nga vajza e saj, N. M. B..
E dyshuara, që sipas nënës kishte konsumuar alkool, ka marrë një thikë kuzhine dhe me të ka kanosur viktimën. Testimi ka treguar se ajo kishte 1.16 promilë alkool në gjak.
Me rastin është njoftuar Prokurori kujdestar, i cili ka urdhëruar që: rasti të iniciohet si Dhunë në Familje, e dyshuara të mbahet në stacion deri sa të jetë në gjendje të deklarohet, intervistimi i saj të bëhet vetëm në prani të avokatit mbrojtës.
Hetimet për rastin janë duke vazhduar.
