“Asnjë vendim politik pa pëlqimin e Adem Demaçit”, në Hagë lexohet një deklaratë e Kurtit

Në Hagë ka nisur dita e tretë e dëshmisë së James Rubinit, dëshmitar i mbrojtjes të Hashim Thaçit.

Avokati Misetiq  publikoi një dokument të cilit iu referuan si raport gazete i 24 shkurt 1999 nga  në konferencë për shtyp të dhënë nga Albin Kurti, asokohe sekretar i Adem Demaçit.

“Asnjë vendim politik pa pëlqimin e Adem Demaçit”, thotë titulli i këtij artikulli. Më pas u lexua deklarata e Kurtit që pasqyrohej në këtë artikull.

“Albin Kurti tha në konferencën për shtyp se Adem Demaçi ka udhëtuar me urgjencë në Lubjanë sot për të bërë takim në mbledhje të rëndësishme me përfaqësues të nivelit të lartë të diplomacisë dhe politikës ndërkombëtare”, thuhej në artikull.

“A e dini pse Adem Demaçi apo, a keni ndonjë ide pse Demaçi mund të ketë udhëtuar më 24 shkurt në Lubjanë për të takuar përfaqësues ndërkombëtarë?”, u pyet Rubin.

Ai tha se  këtë e mori vesh më vonë, ngase Demaçi e telefonoi sekretaren Albright nga Sllovenia.

“Po e kuptova unë se ai kishte shkuar të takohej me diplomatë në Slloveni, dhe pastaj më vonë e kuptova këtë sepse ai më pasë pati edhe bisedën telefonike me zonjën Albright. Prej nga aty mori në telefon zonjën Albright.

Rubin u pyet se “Duket se e vetmja figurë që në këtë fazë të paktën nga konferenca e parë në Rambuje që kundërshtonte Rambujen ishte Demaçi apo jo?”

“Nuk e di këtë. E di atë që po lexoj, nuk e di nëse ka qenë dikush tjetër”, tha Rubin. /Reporteri.net