Ndërprehen punimet e seancës së Kuvendit Komunal, kjo është arsyeja

Sot është mbajtur seanca e rregullt e Kuvendit Komunal në Podujevë, të cilën e udhëhoqi kryesuesi i Kuvendit, Hilmi Hoxha, ku morën pjesë edhe kryetari i komunës, Shpejtim Bulliqi, nënkryetarja Marigona Lahu, drejtorë të ekzekutivit komunal dhe asamblistë.

Me hapjen e kësaj seance fillimisht u betua si këshilltare e re e Kuvendit Komunal, Lirika Maliqi nga radhët e LVV, pasi që këshilltarja e deritanishme e Kuvendit, Adelinë Stublla është emëruar drejtore e Drejtorisë së Shëndetësisë dhe Mirëqenies Sociale.

Në mbledhjen e kuvendit komunal u ndërprenë punimet e seances pas bllokimit të foltores së Kuvendit nga asamblistët e Lidhjes Demokratike të Kosovës(LDK), për shkak të paknaqësisë së shprehur për mospërfshirje si pikë të rendit të ditës “Trajtimi i mosrealizimit të pagesës së një pjese të kuvendarëve, gjegjësisht udhëheqja e seancave nga Kryesuesi i Kuvendit”.

Pas një pauze prej 10 minuta kryesuesi i Kuvendit, Hilmi Hoxha njoftoi për shtyrjen e kësaj seance për ditën e enjte, me fillim nga ora 10:00.