Natë e ftohtë e çka tjetër, parashikimi i motit

Pas depërtimit të masave më të ftohta, nata në vend do të jetë mjaft e ftohtë. Temperaturat minimale zbresin deri në 6°C e 9°C.

Të enjten pritet mot me kthjellime dhe diell, por mbetet ende freskët. Temperaturat maksimale do të arrijnë nga 21°C deri në 24°C. Frynë erë veriore e verilindore, e lehtë dhe mesatare me shpejtësi 5–10 m/s, raporton Podujeva Sot.

Periudha stabile do të vazhdojë deri nga fillimi i javës së ardhshme. Moti do të jetë me kthjellime dhe diell, ndërsa temperaturat gradualisht do të shënojnë rritje.

Në fundjavë priten vlera më të larta, me maksimale prej 27°C e deri 30°C. Minimalet sërish ngjiten në vlera dyshifrore, prej 12°C deri në 14°C, raporton Podujeva Sot.

Deri të shtunën, erërat mbesin nga veriu e verilindja me intensitet të lehtë dhe mesatar 3–10 m/s. Nga dita e diel, drejtimi i tyre do të ndryshojë duke kaluar nga krahu jugor.