Sekuestrohen automjete dhe dru të prerë ilegalisht
Policia e Kosovës ka zhvilluar aksione në kuadër të planit operativ “Mbrojtja e Pyjeve 2025” në Parkun Kombëtar “Sharri” në Kaçanik dhe në fshatin Burrnik të Ferizajt.
Gjatë tri rasteve të ndara janë konfiskuar tre automjete pa targa, dy motor-sharra, zinxhirë, pajisje pune dhe sasi drunjsh të ngarkuar.
Disa persona janë shoqëruar në polici dhe më pas liruar në procedurë të rregullt.
Ndërkohë, policia ka mbetur në kërkim për identifikimin e personave të tjerë që u larguan nga vendi i ngjarjes në Kaçanik, duke braktisur automjetin e ngarkuar me drunj.
