Ekskluzive: Këta janë të dyshuarit për rastin e drogës në Prishtinë

Gazeta Sinjali ka siguruar detaje ekskluzive për një aksion të gjerë policor në Prishtinë, ku u zbulua një sasi e konsiderueshme narkotikësh dhe një laborator i modifikuar për prodhimin e kërpudhave narkotike.

Burimet e Sinjalit bëjnë me dije se si të dyshuar për këtë rast janë identifikuar: Lorik Avdiu rreth 31-vjeçar, Yll Cakaj rreth 20-vjeçar.

Operacioni u zhvillua më 18 shtator 2025, rreth orës 19:00, ku pas ndalimit të një veture Shkoda ngjyrë hiri që drejtohej nga Avdiu, policia gjeti 0.6 gr kokainë dhe 3.5 gr marihuanë.

Ndërkohë, gjatë operacionit, i dyshuari tjetër Yll Cakaj braktisi veturën e tij BMW të bardhë dhe gjatë ikjes hodhi një qese me 41.8 gr marihuanë. Në veturë iu gjetën edhe 180 euro para të gatshme dhe një telefon iPhone.

Sekuestrimet në banesa dhe lokale

Gjatë bastisjes në banesën e Cakajt, policia gjeti: 545.6 gr marihuanë (të ndara në 5 qese), një peshore digjitale, qindra qese për paketim të drogës, një karikator i zbrazët i AK-47.

Me urdhër të Prokurorit të Shtetit, Lorik Avdiu është dërguar në mbajtje për 48 orë, ndërsa Yll Cakaj ndodhet ende në arrati.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.