Pamje ekskluzive: Spanja tentoi ta diskriminojë Kosovën në sport, por dështon keq

Ashtu siç ndodhi ditë më parë me futbollin, ku Federata e Spanjës iu referua Kosovës si “territor”, njëjtë ky shtet provoi ta diskriminojë Kosovën edhe në karate, por kësaj radhe nuk ia dolën ta bëjnë këtë.

Në kampionatin Mesdhetar të Karatesë që u mbajt nga 11 deri më 14 shtator, ekipi i karatesë nga Kosova sapo zbarkoi në Spanjë u njoftua se nuk do të mund të marrin pjesë na garë me simbolet e shtetit të Kosovës.

Ky njoftim natyrisht se ishte befasues dhe krejtësisht i papranueshëm për Federatës e Karatesë së Kosovës, drejtuesit e së cilës filluan menjëherë kontaktet me Federatën Botërore të Karatesë si dhe Komitetin Olimpik të Kosovës për të adresuar këtë padrejtësi me të cilën po përballeshin.

Ata njoftuan vendin organizator se në asnjë mënyrë nuk do të marrin pjesë në garë pa simbolet e shtetit.

Ky presion dhe efektin e vet shumë shpejtë. Spanjollët u detyruan ta ndryshojnë komplet agjendën e tyre organizative. Për shkak të këmbëngulësisë së Kosovës, ata filluan largimin e flamujve të 16 shteteve pjesëmarrëse një nga një, gjë të cilën për KosovaPress e konfirmon Sekretari i Federatës së Karatesë, Nazmi Gashi.

“Kohëve të fundit diçka ka lëvizur në aspektin sportiv, ne i kemi parë edhe problemet me ekipet e futbollit që ishte. Ne këmbëngulëm që të mos marrim pjesë fare nëse nuk jemi të barabartë sikur të tjerët, rreth pesë orë me vonesë pasi që i kemi shteruar të gjitha mundësitë, pasi edhe kryetari i Komitetit Olimpik ka telefonuar, pasi që ne iu kemi bërë presion të vazhdueshëm të gjithë akterëve që janë, e arritëm një marrëveshje që të hiqen të gjithë flamujt e të gjitha shteteve si brenda ashtu edhe jashtë sallës dhe të jemi të barabartë dhe të marrim pjesë. Me ato kushte normalisht që ne pranuam”, bën të ditur Gashi.

E triumfi i Kosovës vazhdoi edhe në betejën e luftërave. Me 49 garues që morën pjesë,  Kosova fitoi 7 medalje të arta, 4 të argjendta, 5 të bronzta dhe 7 vende të pesta.

S