E rëndë: Djali gjen babain pa shenja jete në oborrin e shtëpisë

Një rast i rëndë ka ndodhur sot në një familje në rrugën “2 Korriku” në Shtime, ku një 51-vjeçar është gjetur pa shenja jete, në shtëpinë së tij. Familja u tronditën kur e gjetën të shtrirë në oborrin e shtëpisë dhe njoftuan menjëherë Autoambulancën, raporton Gazeta Sinjali.

Burimet e Sinjalit nga Emergjenca kanë bërë të ditur se i ndjeri u gjet nga djali i tij, i cili në orët e mëngjesit të sotëm posa doli nga shtëpia u trondit kur e gjeti babain të shtrirë në tokë. Pasi mjekët dolën në vendin e ngjarjes, u njoftua edhe Policia, me ç’rast një njësi policore intervenoi.

Sinjali mëson se vdekjen e viktimës e ka konfirmuar ekipi i mjekëve dhe më pas trupi është tërhequr për t’u dërguar në IML për obduksion.

Sinjali do t’iu mbajë të informuar me detajet e reja lidhur me rastin.