Arian Tahiri prezanton një projekt modern për parkingje: 2500 vendparkimeve të reja

Kandidati i PDK-së për Kryetar të Mitrovicës, Arian Tahiri, ka prezantuar projektin e tij të madh për ndërtimin e 2500 vendparkimeve të reja në tri lokacione strategjike të Mitrovicës.

Tahiri ka thënë se me ndërtimin e 2500 vendparkimeve të reja në tri lokacione strategjike, do të ofrojnë hapësira të sigurta, të organizuara dhe funksionale për qytetarët tanë.

Ai ka thënë se sistemi i ri i parkingjeve do të menaxhohet nga Komuna e Mitrovicës, duke siguruar transparencë, mirëmbajtje të rregullt dhe shërbim cilësor për të gjithë qytetarët.

Ky është postimi i plotë i Arian Tahirit, kandidatit të PDK-së për Kryetar të Mitrovicës:

2500 vendparkime të reja në tri lokacione qendrore të Mitrovicës.

Ky është projekti im për ndërtimin e parkingjeve moderne në qendër të Mitrovicës, një zgjidhje konkrete dhe afatgjate për mungesën e parkingjeve në qytet. Me ndërtimin e 2500 vendparkimeve të reja në tri lokacione strategjike, ne do të ofrojmë hapësira të sigurta, të organizuara dhe funksionale për qytetarët tanë.
Sistemi i ri i parkingjeve do të menaxhohet nga Komuna e Mitrovicës, duke siguruar transparencë, mirëmbajtje të rregullt dhe shërbim cilësor për të gjithë qytetarët.

Votoni për një Mitrovicë të rregullt, të sigurt dhe moderne! #PDK191