Dyshime për korrupsion, raportohet për arrestimin e djalit të drejtorit të Ferit Idrizit

Policia e Kosovës ka realizuar disa arrestime së fundmi lidhur me korrupsion në procesin e testimit të kandidatëve për patentë shoferë.

Sinjali raporton se i arrestuar është, Fatos Ferizi, rreth 40-vjeçar, me pozitë si ekzaminer i pjesës teorike në Ministrinë e Infrastrukturës. Ai është djali i Maliq Ferizit, drejtor për Emergjenca në Komunën e Vushtrrisë.

Ferizi u arrestua së bashku me një instruktor të autoshkollës “Stop” në Prishtinë, pasi u kapën me ryshfet prej 850 eurosh për kalimin e testit teorik të patentë-shoferit.

Ndaj tyre po zhvillohen procedurat përkatëse nën drejtimin e Prokurorisë, ndërsa hetimet lidhur me këtë rast janë duke vazhduar.