Yamal udhëton në ceremoninë e Topit të Artë me 20 familjarë

Ylli i Barcelonës, Lamine Yamal, do të udhëtojë drejt Parisit për ceremoninë e ndarjes së Topit të Artë, ku do të jetë i shoqëruar nga 20 anëtarë të familjes së tij.

Sipas Mundo Deportivo, e gjithë familja e tij do të jetë e veshur me rroba të markës prestigjioze Dolce & Gabbana.

Edhe pse Ousmane Dembélé shihet si favoriti kryesor për ta fituar këtë çmim të madh, Yamal mbetet një kandidat serioz. Në rast triumfi, ai ka planifikuar të organizojë një festë private në Paris.

Dembélé gëzon përkrahjen e plotë të Parisit dhe presidentit të PSG-së, Nasser Al-Khelaifi, ndërsa në Barcelonë nuk është ndjerë i njëjti nivel mbështetjeje për Yamal, pasi klubi ka vendosur të qëndrojë neutral për shkak se më shumë se një lojtar i tyre është i nominuar për këtë çmim prestigjioz.