Arrestohet edhe personi i pestë në Podujevë në rastin e drogës
Një operacion i madh policor është zhvilluar në fshatin Dumnicë të Podujevës, ku është zbuluar dhe asgjësuar një parcelë e tërë e mbjellë me bimë narkotike.
Sipas Gazetës Sinjali, në rrugën “Bajram Metolli” Policia ka zbuluar një sipërfaqe rreth 1 hektar të mbjellë me misër dhe kanabis, raporton Podujeva Sot.
Pas dy ditësh veprime në terren, më 21 shtator 2025, hetuesit kanë përfunduar ekzaminimin e parcelës dhe kanë bërë asgjësimin e gjithsej 3,490 bimëve narkotike.
Sipas të njëjtit burim, në vendngjarje u arrestuan fillimisht katër persona, ndërsa gjatë operacionit u arrestua edhe i dyshuari i pestë, raporton Podujeva Sot.
Hetimet po zhvillohen nën drejtimin e Prokurorisë Themelore Departamenti i Krimeve të Rënda, ndërsa njësitë policore kanë bastisur pronat e të dyshuarve.
