Sherr mes dy familjeve në Prishtinë, tre persona përfundojnë të lënduar
Një përleshje mes dy familjeve ka ndodhur mbrëmë në Prishtinë, ku tre persona kanë pësuar lëndime trupore dhe janë trajtuar nga mjekët, mëson ekskluzivisht Gazeta Sinjali.
Burimet e Sinjalit bëjnë me dije se rasti është raportuar më 21 shtator 2025, rreth orës 22:30, në rrugën “Lekë Dukagjini”. Konflikti fillimisht kishte nisur si një mosmarrëveshje, por më pas ka eskaluar në përleshje fizike.
Si pasojë, viktimat B.M. rreth 49-vjeçar, O.M. rreth 20-vjeçar dhe B.M. rreth 50-vjeçar kanë marrë lëndime trupore, për të cilat kanë pranuar tretman mjekësor.
Në stacion policor, ata janë intervistuar në cilësinë e ankuesve, ndërsa si të dyshuar për rastin janë marrë në pyetje A.B. rreth 62-vjeçar dhe S.H. rreth 43-vjeçar. Pas intervistimit, me urdhër të prokurorit, ata janë ndaluar për 48 orë.
Për rastin janë marrë në pyetje edhe katër dëshmitarë, ndërsa procedurat hetimore po vazhdojnë.
