E dhimbshme: Ndërron jetë Baftije Asani

Ka ndërruar jetë Baftije Asani.

Familjarët kanë thënë që vdekja e saj erdhi si pasojë e neglizhencës së mjekëve të spitalit të Tetovës.

Më poshtë njoftimi i fshatit Çellopek:

LETËR NGUSHËLLIMI FAMILJES ASANI
Me dhimbje të thellë morëm lajmin e ndarjes nga jeta të Baftije Asanit në moshën e re, vetëm 7 vjeçare. Jeta e saj e shkurtër dhe e pafajshme na ka lënë të trishtuar dhe pafjalë, por përveç dhimbjes, ne kërkojmë të zbardhet e vërteta dhe të bëhet drejtësi.
Në këtë moment të vështirë, i bëjmë thirrje organeve kompetente, autoriteteve shëndetësore dhe atyre të drejtësisë, që të shqyrtojnë me kujdes dhe transparencë çdo aspekt të këtij rasti, duke u fokusuar në mundësinë e neglizhencës nga ana e mjekëve. Të sigurohemi që çdo pasojë nga mosndihma e duhur ose dështimi në trajtim të mos mbetet pa u marrë në konsideratë dhe që drejtësia të sigurohet.

Zoti e mëshiroftë dhe ta shpërblejë me xhenet.Ndërsa familjarëve Zoti ju dhëntë forcë dhe durim për ta përballuar këtë humbje të rëndë.