Ky është i arrestuari që dyshohet se grabiti 20 mijë euro

Një rast i rëndë grabitjeje që kishte tronditur opinionin publik në Deçan ka marrë sot një kthesë të madhe, mëson ekskluzivisht Gazeta Sinjali.

Burime brenda policisë bëjnë me dije se është arrestuar 27-vjeçari Kushtrim Lataj, i cili dyshohet se më 17 korrik kishte hyrë në shtëpinë e 86-vjeçarit A. L. në fshatin Carrabreg i Epërm dhe i kishte marrë 20 mijë e 450 euro, para që sipas viktimës përfaqësonin kursimet e jetës dhe ndihmat e familjarëve.

I dyshuari është intervistuar në prezencën e avokatit mbrojtës dhe me urdhër të prokurorit të shtetit është dërguar në mbajtje për 48 orë.

Hetimet për rastin po vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.