Detaje nga plagosja me thikë mes infermierëve te spitali “Shefqet Ndroqi”
A2 CNN ka mësuar detaje të reja në lidhje me plagosjen me thikë brenda spitalit “Shefqet Ndroqi”, në Tiranë, ku një infermier mbeti i plagosur pas sherrit me kolegun e tij.
Gazetari i A2 CNN, Igli Çelmeta, raporton se i plagosuri Mikel Osmani me detyrë infermier, ka marrë dy plagë me thikë në brinjë dhe në krah, ndërsa autori i plagosjes është laboranti për ekografi, Dashamir Çajka.
Sherri që u përshkallëzua në plagosje me thikë ndodhi brenda ambienteve të spitalit, ndërsa i plagosuri ndodhet te trauma jashtë rrezikut për jetën.
Mësohet se i plagosuri Mikel Osmani ka deklaruar se ka qenë konflikt rastit për shkak të punës dhe se nuk ka asgjë personale më njëri-tjetrin. (A2 Televizion)
