Arrestohet 35 vjeçari, dyshohet se rrahu gruan

Sipas informacioneve, një grua ka deklaruar në polici se rreth orës 17:30, pas një mosmarrëveshjeje verbale me bashkëshortin e saj, kishte përjetuar dhunë të vazhdueshme psikike dhe ndihej e rrezikuar. Për këtë arsye, ajo ka kërkuar urdhër mbrojtje.

Personi i dyshuar është paraqitur në Stacionin Policor Jugu, ku është intervistuar në prani të avokatit sipas detyrës zyrtare.

Me urdhër të Prokurorit të Departamentit për Dhunë në Familje, ndaj tij është caktuar masa e ndalimit policor për 48 orë dhe është dërguar në Qendrën e Mbajtjes.