Reagon imami i njohur nga Prishtina: Ky është veprim shtazarak
Imami i njohur nga Prishtina, Labinot Maliqi ka reaguar pas rrahjes së një gruaje në Shtëpinë e të Moshuarve në Pejë.
Maliqi ka thënë që ky është një veprim shtazarak dhe se duhet ndëshkuar rëndë ky veprim.
Më poshtë mund ta lexoni postimin e plotë të imamit:
Ky veprim shtazarak i infermieres kundër nënës së dëshmorit, duhet ndëshkuar ashpër. Ky krim i rëndë shpërfaq edhe anën më të errët në mjekësinë kosovare, dhe ngrit alarmin për mbikqyrje në të gjitha repartet publiko-private.
Peja, së fundmi është bërë qendër e shumë dukurive negative, si rrahjet, vrasjet, sulmet seksuale, dhe tani ky rasti i fundit që na tronditi të gjithëve. I bëjë thirrje hoxhallarëve të Pejës që të flasin më shumë, të ndërgjegjësojnë dhe vetëdijësojnë qytetarët kundër këtyre dukurive shkatërruese.
”E ti kurrsesi mos mendo që Zoti nuk e vëren atë që bëjnë keqbërësit!” | Kuran, Ibrahim: 42 |
“Nuk është prej nesh ai që nuk mëshiron të rinjtë dhe nuk respekton të vjetrit!” Profeti Muhammed ﷺ
Labinot Maliqi
