Xhaka: Këta nuk janë shqiptarët që unë i njoh e i përfaqësoj
Pas rastit të tmerrshëm të rrahjes së një gruaje në Shtëpinë e të Moshuarve, kanë reaguar figura të njohura në vend.
Ndër personat e parë që ka reaguar ndaj këtij akti të tmerrshëm është edhe futbollisti i Arsenalit me prejardhje nga Podujeva, Granit Xhaka.
Xhaka me anë të një postimi në Instagram ka thënë se është i shokuar dhe i tronditur nga ky lajm.
“Jam pa fjalë, jam i shokuar, nuk mundem ta besoj, më besoni nuk kam arritë ta shoh videon deri në fund, aq dhimbje dhe trishtim kam në shpirt. E moshuara, gjyshe, nënë, dhunohet pa mëshirë nga punonjësa e azilit në Pejë. Akoma më tragjike fakti që 5 të tjera e shikojnë, qeshin e filmojnë”.
“Këta nuk janë shqiptarët që unë njoh e përfaqësoj. Gjithmonë jam krenar me vendin dhe origjinën time, por sot jam ndje keq si kurrë më parë”, ka shkruar Xhaka.
