I riu goditet rëndë në kokë gjatë punimeve ndërtimore

Një aksident i rëndë është raportuar pasditen e djeshme në Ferizaj, ku një i ri ka mbetur i lënduar.

Rreth orës 16:30, derisa po kalonte pranë një objekti ndërtimor, ai është goditur në kokë nga një mjet i rëndë që ka rënë nga ndërtesa në ndërtim.

Si pasojë, i riu ka pësuar lëndime trupore dhe është dërguar fillimisht në Emergjencën e qytetit, ndërsa më pas është transferuar për trajtim të mëtejshëm në QKUK – Prishtinë. Për shkak të gjendjes shëndetësore, ai nuk ka mundur të intervistohet nga hetuesit.

Në vendngjarje kanë dalë njësitë e hetimeve dhe inspektorët komunalë, të cilët janë marrë me rastin.

Me urdhër të prokurorit, rasti është iniciuar si “Asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës”, ndërsa hetimet janë duke vazhduar.