Gjendje e rëndë higjieno-teknike në shkollën “Jeronim De Rada”
Në disa pamje të siguruara nga Indeksonline, shihet gjendja e rënduar higjieno-teknike e klasave në shkollën fillore “Jeronim De Rada” në Ferizaj, ku nxënësit mësojnë çdo ditë.
Muret e dëmtuara, dyshemeja e amortizuar dhe mungesa e kushteve elementare po e bëjnë edhe më të vështirë procesin mësimor për nxënësit dhe mësimdhënësit.
Ndërkohë, kryetari aktual i Komunës së Ferizajt, Agim Aliu, ka premtuar digjitalizim të shkollave në këtë komunë, por gjendja e kësaj shkolle tregon se ka ende shumë punë për t’u bërë për të përmirësuar infrastrukturën bazë.
