Inspeksioni me aksion për largimin e deponisë me mbetje shtazore

Drejtoria e Inspeksionit ka ndërmarrë një aksion sot për largimin e deponisë me mbetje shtazore në fshatin Buricë, ky aksion është kryer edhe me asistencën nga Kompania Rajonale “Pastrimi”.

Në këtë aksion ka marrë pjesë edhe drejtoresha e Inspeksionit, Florentina Osmani, e cila ka përcjellur nga afër mbarëvajtjen e këtij aksioni.

Drejtoresha Osmani paralajmëroi zhvillimin edhe të aksioneve të tjera nga Drejtoria e Inspeksionit ditëve dhe javëve në vijim, me qëllim të largimit të të gjitha deponive ilegale te mbeturinave në Komunën e Podujevës.

Drejtoresha Osmani siguroi se për të gjithë personat të cilët hedhin mbeturina në vendet që nuk janë të përcaktuara nga autoritetet e komunës, do të ketë sanksione në kuadër të mandatit ligjor dhe autorizimeve që ka Drejtoria e Inspeksionit.