Arian Tahiri: Bashkëpunimi, mirëkuptimi dhe transparenca do të jenë shtyllat e qeverisjes time

Kandidati i Partisë Demokratike të Kosovës (PDK) për kryetar të Mitrovicës, Arian Tahiri, ka deklaruar se vizioni i tij për qeverisjen lokale bazohet në transparencë dhe përfshirje të qytetarëve.

“Bashkëpunimi, mirëkuptimi dhe transparenca do të jenë shtyllat e qeverisjes sime. Mitrovica do të ecë përpara së bashku me secilin prej jush, me qytetarin në qendër të çdo vendimi”, ka shkruar Tahiri në një postim në rrjetet sociale.

Ai shtoi se do të jetë pranë qytetarëve në çdo hap, duke theksuar se vendimmarrja do të ketë gjithmonë interesin e qytetarit në qendër.

“Në çdo hap me ty dhe gjithmonë për ty, Mitrovicë!”, përfundoi kandidati i PDK-së.