Dy policë lëndohen gjatë parandalimit të përleshjes mes tifozëve

Katër persona janë shoqëruar në Polici, ndërsa dy zyrtarë policorë kanë pësuar lëndime trupore pas një tentim përleshjeje mes tifozëve jashtë tribunave.

Kjo ndodhi më 28.09.2025 pas fillimit të ndeshjes futbollistike për garat e Superligës së Kosovës, në mes të Ferizajt dhe Prishtinës.

Kështu njoftoi për KALLXO.com, Kanun Veseli, zëdhënës i Policisë për Rajonin e Ferizajt.

“Me këtë rast policia ka shoqëruar 4 persona në stacionin policor në Ferizaj për intervistim, ndërsa dy pjesërë të policisë kanë pësuar lendime trupore dhe për ndihmë mjekësore janë dërguar në Qendrën Emergjente në Ferizaj. Janë marrë masat shtesë nga policia për mbarëvajtjen e kësaj ndeshjeje”- potencoi Veseli.