Policia sekuestron gjashtë kamionë dru të paligjshëm
Në kuadër të planit operativ “Mbrojtja e Pyjeve 2025”, policia në Ferizaj ka realizuar sot një aksion të suksesshëm kontrollues në fshatin Dardani, duke sekuestruar gjashtë automjete që transportonin dru pa dokumentacionin e nevojshëm ligjor.
Si pasojë e kësaj, automjetet dhe e gjithë lënda drusore janë sekuestruar nga autoritetet, ndërsa për procedurat e mëtejme ligjore janë njoftuar zyrtarët kompetentë të pylltarisë.
Policia Rajonale e Ferizajt ka theksuar se do të vazhdojë angazhimin e saj në bashkëpunim me zyrtarët e pylltarisë për parandalimin dhe luftimin e prerjes dhe transportit të paligjshëm të drunjve, si pjesë e planit operativ “Mbrojtja e Pyjeve 2025”.
