Tragjedi në SHBA, shumë të plagosur nga të shtënat me armë zjarri

Një sulm i rëndë ka tronditur komunitetin e Grand Blanc, një periferi e Flint, Michigan, pasi disa persona janë plagosur nga të shtëna me armë zjarri në një kishë, më 28 shtator.

Sipas Departamentit të Policisë së Grand Blanc Township, sulmuesi është vrarë dhe nuk ka më kërcënim të vazhdueshëm për publikun.

Detajet e incidentit janë veçanërisht shqetësuese. Përveç të shtënave, policia konfirmoi se kisha është aktualisht në flakë.

Video të postuara nga banorët lokalë tregojnë re të dendura tymi që ngrihen nga objekti fetar, transmeton RTSh.

Autoritetet i kanë bërë thirrje publikut të shmangë zonën, ndërsa ekipet e urgjencës (policia, zjarrfikësit dhe ndihma e shpejtë) janë në vendngjarje. Numri i saktë i të plagosurve dhe natyra e plagëve të tyre nuk janë bërë ende të ditura.

BREAKING: Video shows church on fire as officials respond to active shooter with multiple victims at The Church of Jesus Christ of Latter-day Saints in Grand Blanc, Michigan. pic.twitter.com/pQDd0UZPEu

— AZ Intel (@AZ_Intel_) September 28, 2025