Ende i zhdukur Beqir Maloku – Policia kërkon ndihmë nga qytetarët

Beqir Maloku, 67-vjeçar nga Istogu, i zhdukur prej disa muajsh, ende nuk është gjetur. Policia e Kosovës po vazhdon kërkimet dhe u bën thirrje qytetarëve që të ofrojnë çdo informacion të mundshëm që mund të ndihmojë në gjetjen e tij.

Me autorizim të Prokurorisë Themelore në Pejë, Policia ka publikuar edhe fotografinë e Malokut, në përpjekje për të ndihmuar identifikimin dhe lokalizimin e tij.

Numrat për kontakt me Policinë e Kosovës:

192 (pa pagesë)

0800 19999 (pa pagesë)039 432 327 – Drejtoria Rajonale, Pejë
E-mail: info@kosovopolice.com

Beqir Maloku ishte zhdukur gjatë muajit gusht, pasi kishte dalë nga shtëpia për të shkuar në një aheng tek motra e tij. Sipas familjarëve, ai kishte marrë rrugën përmes malit dhe që nga ajo ditë nuk ka asnjë informacion për të.

Në kërkimet për të ishin përfshirë edhe Forca e Sigurisë së Kosovës (FSK) dhe Shoqata e Kërkim-Shpëtimit.