Njoftim i rëndësishëm për qytetarët kosovarë që udhëtojnë drejt BE-së

Ministria e Punëve të Brendshme njofton të gjithë qytetarët e Republikës së Kosovës se, nga data 12 tetor 2025, në disa pika kufitare kryesore të Bashkimit Evropian do të nisë zbatimi i Sistemit të Hyrje/Daljes (Entry/Exit System – EES).

Gjatë gjashtë muajve të ardhshëm, ky sistem do të zgjerohet gradualisht në të gjitha pikat kufitare të BE-së.

EES është një sistem biometrik që regjistron hyrjet dhe daljet e shtetasve të vendeve jo-anëtare të BE-së, duke mbledhur të dhëna si shenjat e gishtërinjve dhe fotografi. Ky sistem synon të përshpejtojë kontrollet kufitare dhe të eliminojë vulat në pasaportë.

Ministria e Punëve të Brendshme do të vazhdojë të monitorojë procesin dhe të informojë qytetarët për zhvillimet e mëtejshme lidhur me këtë sistem./Raporto24.com