Ky është i arrestuari për tentim-sulmin ndaj mësueses

Gazeta Sinjali raportoi pak më parë ekskluzivisht për një rast të rëndë që është shënuar në Prishtinë, ku një mësuese ka denoncuar ish-punëtorin e saj për ngacmim dhe tentim-sulm brenda klasës.

Ngjarja ndodhi dje në SHFMU “Hasan Prishtina” në lagjen Ulpianë, ku Shpetim Miftari dyshohet se është futur në klasë gjatë orës së mësimit dhe ka tentuar ta sulmojë mësuesen V.T, duke e kapur e tërhequr për krahu. Sulmi u ndal vetëm pas ndërhyrjes së stafit të shkollës.

Burimet tregojnë se viktima kishte kohë që përballej me ngacmime të vazhdueshme nga i dyshuari në rrjete sociale, por nuk i ishte përgjigjur mesazheve të tij.

Më 30 shtator, Miftari është intervistuar nga policia dhe ka pranuar veprimet. Me urdhër të prokurores kujdestare, ai është ndaluar për 48 orë.

Hetimet për rastin janë duke vazhduar.