Lidhja Demokratike mban tubim në Ferizaj

Lidhja Demokratike e Kosovës ka mbajtur tubim në Ferizaj.

Më poshtë postimi i Abdixhikut:

Në Ferizaj, në këtë qytet të punës, të rinisë, të familjeve dhe të ëndrrave të mëdha, LDK u prit me entuziazëm e besim.

Prezantuam edhe kandidatin tonë për kryetar, Visar Azemin, i cili bashkë me ekipin e tij paraqiti vizionin e qartë për një Ferizaj më modern, më të zhvilluar e më pranë qytetarit.

Së bashku do të rikthejmë dinamikën e qytetit, do të mbështesim ndërmarrësinë, do t’u japim më shumë mundësi të rinjve, do të përkujdesemi për familjet dhe fëmijët tanë.
LDK është gjithmonë aty ku kërkohet përgjegjësi, punë dhe vizion.