Aksident me fatalitet, humb jetën një person
Sipas informacioneve që ka siguruar Sinjali, rreth orës 16:20, A. D. rreth 30-vjeçar duke drejtuar një veturë Mercedes 212 në aksin rrugor Rahovec–Xerxe, nuk ka mbajtur distancën e duhur derisa po lëvizte pas një traktori. Si pasojë, ai ka goditur traktorin me ngasësin B. H. rreth 58-vjeçar, duke e përplasur për mbrojtësen e betonit dhe më pas e ka rrokullisur.
Nga goditja e fuqishme, viktima ka pësuar lëndime të rënda trupore. Fillimisht është dërguar me autoambulancë në Spitalin Rajonal “Isa Grezda” në Gjakovë dhe më pas në QKUK, ku pavarësisht trajtimit mjekësor, rreth orës 22:50 është konfirmuar vdekja e tij.
Në vendin e ngjarjes janë shkaktuar edhe dëme materiale në të dy automjetet. Lidhur me rastin është njoftuar Prokurori i Shtetit, i cili ka urdhëruar që trupi i pajetë të dërgohet për autopsi në IML Prishtinë, ndërsa i dyshuari është ndaluar për 48 orë.
Hetimet për zbardhjen e plotë të aksidentit po vazhdojnë.
