Ish-burri hyn me forcë në shtëpinë e ish-bashkëshortes

Një incident i pazakontë është raportuar mëngjesin e 1 tetorit në rrugën “Besa Imami” në Gjakovë, ku një grua ka denoncuar ish-bashkëshortin e saj për dhunë në familje.

Sipas të dhënave, Sh. H. rreth 48-vjeçare ka ardhur nga Gjermania dhe ka konstatuar se ish-bashkëshorti i saj, B. H. rreth 51-vjeçar kishte depërtuar në shtëpinë e saj duke e hapur me forcë dhe kishte filluar të jetonte aty pa pëlqimin e saj. Ky veprim, sipas saj, i ka shkaktuar dhunë psikike.

E dëmtuara ka refuzuar strehimin dhe ka deklaruar se do të rikthehet në Gjermani. Ndërkohë, i dyshuari është intervistuar nga policia, ku ka mohuar pretendimet e viktimës duke thënë se shtëpia është pronë e përbashkët, megjithëse në dokumentacion figuron vetëm në emër të saj.

Burime e Sinjalit bëjnë të ditur se në rastin konkret nuk ka pasur dhunë fizike apo kanosje. Pas konsultimit me Prokurorin kujdestar, i dyshuari është liruar dhe procedura do të vazhdojë në rregull të zakonshëm.