Vajza nga Podujeva dyshohet se u ngacmua seksualisht nga mjeku në QKMF
foto ilustrim
Një rast i rëndë është raportuar në Podujevë, ku një vajzë ka denoncuar një mjek të Qendrës Kryesore të Mjekësisë Familjare (QKMF) për ngacmim seksual dhe trajtim të pandërgjegjshëm mjekësor.
E reja ishte paraqitur për trajtim në urgjencën e qytetit. Sipas burimeve, gjatë ndërhyrjes mjekësore, ajo ka deklaruar se është ngacmuar seksualisht nga mjeku kujdestar.
Për shkak të gjendjes shëndetësore, viktima nuk është intervistuar menjëherë pas rastit, por dëshminë e ka dhënë më 3 tetor 2025. Ndërkohë, janë siguruar dokumentet mjekësore dhe provat përcjellëse lidhur me rastin.
Mjeku i dyshuar është ftuar në polici dhe është marrë në pyetje nga Njësia e Hetimeve Rajonale, në prani të avokatit të tij. Pas konsultimit me Prokurorin kujdestar, ndaj tij është iniciuar procedurë për veprat penale “Sulm seksual” dhe “Trajtim i pandërgjegjshëm mjekësor”.
