Zhduket një burrë në Prishtinë
Një rast zhdukjeje është raportuar në Prishtinë, ku një grua ka kërkuar ndihmën e Policisë pas humbjes së kontaktit me bashkëshortin e saj prej disa ditësh.
Sipas informacioneve të Sinjalit, më 04 tetor 2025, rreth orës 10:00, në polici është paraqitur S. B. rreth 51-vjeçare, e cila ka raportuar se bashkëshorti i saj, Bulent Bozkurt rreth 50 vjeçar, është zhdukur që nga data 02 tetor 2025, rreth orës 19:40, në rrugën “Vicianum” në Prishtinë, para banesës së tyre.
Ajo ka deklaruar se nuk ka mundur ta kontaktojë në telefon, pasi nuk ka pasur qasje në numrin e tij, ndërsa ka përshkruar pamjen e tij si: shtatmesatar, flokë ngjyrë kafe, sy ngjyrë kafe, dhe se për herë të fundit ka qenë i veshur me pantallona ngjyrë hiri dhe një xhaketë ngjyrë kaltër të mbyllur.
Me udhëzim të Prokurorit, rasti është inicuar si “Person i zhdukur”, ndërsa njësitet policore janë angazhuar për gjetjen e tij dhe ndriçimin e rrethanave të zhdukjes.
