Arrestohet çifti shqiptar në Itali, kjo është arsyeja

Një çift shqiptar është arrestuar nga policia italiane pasi u kap me mbi 17 kilogramë kokainë të pastër, me vlerë tregu mbi 2 milionë euro.

Operacioni u zhvillua nga Policia e Barit dhe Prokuroria e Leçes më 1 tetor, si pjesë e një aksioni kundër grupeve kriminale në rajonin e Puljas.

Të arrestuarit, një 40-vjeçar dhe një 52-vjeçare nga Altamura, përdornin automjete të përshtatura posaçërisht për transport droge. Gjatë kontrollit të një makine pranë Leçes, policia gjeti fshehtësi mekanike nën sediljet e përparme, ku ishte fshehur lënda narkotike.

Hetimet, të cilat kishin nisur prej disa muajsh, zbuluan aktivitetin e tyre të rregullt në trafikun e kokainës. Autoritetet italiane po hetojnë tani lidhjet e mundshme të çiftit me rrjete më të gjera kriminale në rajon.