Arrestohet një person për shkak të “Detyrimit në prostitucion”

Një tjetër urdhër-arrest gjyqësor është ekzekutuar nga Policia e Kosovës në orët e para të mëngjesit të sotëm në Fushë Kosovë.

Sipas burimeve të Gazetës Sinjali, më 05 tetor 2025, rreth orës 05:45, në rrugën “Nënë Terezë” në Fushë Kosovë, njësitë policore kanë arrestuar R.Sh., ndaj të cilit Gjykata Themelore në Prishtinë – dega Fushë Kosovë kishte lëshuar urdhër-arrest aktiv në lidhje me rastin penal “Detyrim në prostitucion”.

Pas verifikimeve dhe konfirmimit të urdhëresës, i arrestuari është dërguar në Qendrën e Mbajtjes në Prishtinë, ku do të qëndrojë deri në 48 orë, me urdhër të gjyqtares.

Sinjali mëson se aksionet për realizimin e urdhër-arresteve gjyqësore po vazhdojnë në të gjitha rajonet, me qëllim zbatimin e vendimeve të gjykatave dhe ndalimin e personave që i shmangen drejtësisë.