Ngjarje e rëndë: Theret me thikë në shpinë një 16-vjeçar në këtë qytet
Një ngjarje e rëndë ka ndodhur mbrëmjen e së dielës në Fushë Kosovë. Një 16-vjeçar është lënduar rëndë me thikë gjatë një përleshjeje mes disa të rinjve.
Sipas burimeve, rasti është raportuar më 5 tetor 2025, rreth orës 21:30, në rrugën “Selim Grajqevci”. Dyshohet se gjatë një rrahjeje, një i mitur është goditur me thikë në shpinë dhe është dërguar në QKUK, ku ndodhet në gjendje të qëndrueshme, raporton Podujeva Sot.
Policia ka marrë në pyetje disa dëshmitarë dhe të dyshuar, por ende nuk është sqaruar kush e ka goditur me thikë të miturin. Disa persona të përfshirë në përleshje janë në kërkim nga njësitë e hetimeve.
Prokuroria ka urdhëruar inicimin e rastit për veprën penale “Lëndim i rëndë trupor”, ndërsa hetimet po vazhdojnë për identifikimin dhe arrestimin e personit përgjegjës, raporton Podujeva Sot.
