Bekë Berisha refuzon debatin për Prishtinën sonte, kjo është arsyeja

Kandidati i AAK-së për kryetar të Prishtinës, Bekë Berisha, ka njoftuar se nuk do të marrë pjesë në debatin për Prishtinën në Rubikon me Adriatik Kelmendin.

Ai ka thënë se kjo për shkak se kjo pasi në këtë debat nuk marrin pjesë të gjithë kandidatët.

Postimi i tij i plotë:

Refuzojë debatin e Adriatik Kelmendit: Nuk luftoj njërin duke kursyer tjetrin, i dua përballë të dy!

Nuk do të marrë pjesë në debatin e organizuar nga Adriatik Kelmendi!

Me gjithë respektin për drejtuesin e emisionit, Adriatikun, po edhe për televizionin e respektuar Klan Kosova, me duhet ta refuzoj pjesëmarrjen në debatin e planifikuar!

Unë, jam futë në garë për t’u bërë Kryetar i Komunës dhe me kënaqësi do të përballesha me Perparimin dhe Hajrullahun, të cilët i shoh barabartë të dëmshëm për qytetin e Prishtinës, po nuk marrë pjesë në debat ku është njeri prej tyre, sepse qëllimi im nuk është ta luftoj njerin, duke e kursyer tjetrin, por dua ti luftoj që të dy, njëkohësisht.

Të mos harrojmë që Prishtina për katër vite ka qenë “arenë lufte”, midis Qeverisë së Hajrullahut dhe Komunës së Perparimit, duke e lënë qytetin dhe hallet e qytetarëve në meshirën e kohës, prandaj as unë nuk mund ti ndaj nga barra e përgjegjësisë!

I kërkoj falje shikuesve që kanë pritur këtë debat. Por, vendimi im buron nga bindja se debati përballja duhet të jetë e drejtë dhe e plotë. Nuk mund të marr pjesë kur mungon njëri prej kandidatëve, sepse dua t’i kem përballë të dy, ashtu siç i shoh: njësoj përgjegjës për gjendjen e Prishtinës.