17 vjeçarja llapjane dyshohet se u dhunua, zbulohen detaje

Një rast i rëndë është duke u hetuar nga policia në Podujevë, pasi një 17-vjeçare ka deklaruar se është dhunuar gjatë këtij viti nga një person i panjohur.

Ngjarja është raportuar në orët e para të 6 tetorit 2025, kur e mitura është paraqitur në Stacionin Policor të Podujevës dhe ka dhënë deklaratën e saj në prezencë të zyrtarëve të Qendrës për Punë Sociale.

Ajo ka treguar se është dhunuar gjatë vitit 2025, por se nuk e mban mend vendin, kohën e saktë dhe as nuk e njeh autorin.

Në lidhje me rastin janë intervistuar edhe prindërit e saj, të cilët kanë deklaruar se vajza ka probleme shëndetësore, por nuk kanë paraqitur dokumentacion mjekësor që e vërteton këtë.

Me urdhër të Prokurorit të Departamentit për të Mitur, rasti është kualifikuar si “Dhunim” dhe është duke u hetuar nga Njësia për Hetimin e Krimeve ndaj të Miturve.

Policia po vazhdon hetimet për të sqaruar rrethanat dhe për të identifikuar autorin e dyshuar, ndërkohë që viktimës po i ofrohet ndihmë dhe mbështetje nga institucionet kompetente.