Policia kërkon ndihmë për identifikimin e një të dyshuare për “Shpërdorim të pasurisë së huaj”

Njësiti i Hetimeve të Kryeqytetit, me autorizim të prokurorisë kompetente, ka publikuar një kërkesë për bashkëpunim me qytetarët, me qëllim të identifikimit të një personi të dyshuar.

Sipas njoftimit zyrtar, personi që shfaqet në fotografinë e publikuar është e dyshuar për përfshirje në veprën penale “Shpërdorim i pasurisë së huaj”.

Policia e Kosovës u bën thirrje të gjithë qytetarëve që kanë ndonjë informacion që mund të ndihmojë në identifikimin e saj, të kontaktojnë autoritetet përmes numrit të telefonit 192, ose përmes adresës elektronike info@kosovopolice.com.

Policia garanton anonimitetin dhe konfidencialitetin e plotë për të gjithë ata që ofrojnë informacione.