Digjet një veturë në Prishtinë

Një veturë si pasojë e djegies së mbeturinave është përfshirë nga zjarri mëngjesin e sotëm në rrugën “Ismet Hoti” në Prishtinë.

Zëdhënësi i Policisë së Prishtinës, Enis Pllana, ka konfirmuar për Klankosova.tv  se incidenti është raportuar rreth orës 06:30, ndërsa nuk ka persona të lënduar.

“Sot rreth orës 06:30 kemi pranuar informatën për një incident zjarri në rrugën Ismet Hoti në Prishtinë, ku nga zjarri është përfshirë një automjet. Nuk raportohet për persona të lënduar, ndërkohë që policia po kryen procedurat e nevojshme lidhur me incidentin”,  thuhet në njoftimin e Pllanës.