E dhimbshme: Skender Aliu gjendet pa shenja jete

Një ngjarje e rëndë ka ndodhur mbrëmjen e së martës në kryeqytet. Rreth orës 20:10, në rrugën “Zenel Bajraktari” në Prishtinë, është raportuar për një rast ku një person është gjetur pa shenja jete.

Burime bëjnë të ditur se viktima është Skënder Aliu, rreth 48-vjeçar.

Në vendin e ngjarjes kanë dalë njësitë policore, ekipi i emergjencës, ekspertët e Forenzikës Rajonale, si dhe Instituti i Mjekësisë Ligjore (IML). Mjekët kanë konstatuar në vend se personi nuk kishte shenja jete.

Me autorizim të Prokurorit Kujdestar të Krimeve të Rënda, rasti është cilësuar si “Hetim mbi vdekjen”, ndërsa hetimet janë në vazhdim për të zbardhur plotësisht rrethanat e kësaj tragjedie.