Kur do të hapet aplikimi për subvencionim të rrymës?

Sot është hapur aplikimi për studentët për mbështetjen prej 100 euro në Kosovë. Kjo ndihmë synon të lehtësojë shpenzimet e tyre mujore.

Studentët aktivë mund të aplikojnë përmes platformës eKosova, raporton Podujeva Sot.

Ndërsa studentët përfitojnë këtë ndihmë, familjet e cenueshme presin ende hapjen e aplikimit për subvencionimin e rrymës. Ky program synon mbështetjen e konsumatorëve me të ardhura të ulëta, raporton Podujeva Sot.

Ende nuk është bërë e ditur data kur aplikimi për rrymë do të fillojë, por supozohet që kjo do të ndodhë brenda pak ditëve. Ministria e Financave ka njoftuar se programi do të vazhdojë edhe këtë vit.