Në Podujevë të drejtë vote kanë mbi 86 mijë qytetarë në zgjedhjet e 12 tetorit (VIDEO)

Edhe qyteti i Podujevës, në ditën e zgjedhjeve lokale, do të jetë në lupën e raportimeve të ekipit të Klan Kosovës, që është duke qëndruar atje nga sot e do të vazhdojë deri të hënën e javës tjetër.

Gazetarja e Klan Kosovës, Endrita Bajrami, ka thënë se bashkë me gazetarën tjetër, Blerina Doshlaku, do të sjellin para qytetarëve çdo risi dhe çdo informacion.

Bajrami ka pohuar se në këtë komunë kanë të drejtë vote mbi 86 mijë qytetarë dhe këtë të drejtë ata do të mund ta shfrytëzojnë në 47 qendra të votimit, më saktësisht në 133 vendvotime.

Qendra më e madhe e votimit atje është shkolla “Ibrahim Rugova”, kurse ajo më e vogla është “Jahe Hasani” në Bervenik.

Bajrami ka shtuar se shkolla e vetme me kushte është shkolla “Enver Maloku”. /Klankosova.tv