Tragjedi familjare, babai vret vajzën e tij dhe plagoset nga policia

Një ngjarje e rëndë ka ndodhur në landin gjerman të Baden Württemberg, ku një baba dyshohet se ka vrarë vajzën e tij pas një konflikti në shtëpinë e ish gruas. Policia ka ndërhyrë me armë për ta ndaluar sulmin, raporton Podujeva Sot.

Sipas raportimeve të mediave gjermane, burri 58 vjeçar kishte shkuar te ish bashkëshortja për t’i marrë fëmijët për fundjavë. Pas një debati, ai e ka mbyllur jashtë gruan dhe djalin, ndërsa ka hyrë në shtëpi me vajzën, ku dyshohet se e ka sulmuar rëndë. Një oficer policie qëlloi për ta ndaluar, por agresori u largua në një pjesë tjetër të shtëpisë me vajzën, raporton Podujeva Sot.

Kur forcat shtesë hynë brenda, vajza u gjet pa shenja jete, ndërsa babai u arrestua dhe u dërgua në spital për plagë që nuk ishin kërcënuese për jetën. Nëna dhe djali i vajzës po marrin ndihmë psikologjike pas ngjarjes tragjike.

Hetimet mbi rrethanat e këtij rasti po vazhdojnë në koordinim me prokurorinë dhe policinë gjermane. Lajmi është publikuar fillimisht nga RTL.de dhe agjencia gjermane DPA, raporton Podujeva Sot.