Drejtori Krasniqi inspektoi asfaltimet që po zhvillohen në këto fshatra
Drejtori i Drejtorisë për Planifikim Urban dhe Mbrojtje të Mjedisit, Leutrim Krasniqi ka inspektuar punimet që po zhvillohen në asfaltimin e rrugëve në fshatrat Dyz, Bellopojë, Zakut dhe Revuç.
Në fshatrat Dyz dhe Bellopojë janë duke u asfaltuar rrugë dhe rrugica në lagjet e këtyre fshatrave në gjatësi prej 2.6 km, ndërsa në fshatrat Zakut dhe Revuç po asfaltohen disa rrugica në kuadër të kontratës që planifikohen të asfaltohen rreth 3.6 km, e që përfshihen edhe disa rrugica në fshatrat përreth.
Drejtori Krasniqi i uroj banorët e këtyre fshatrave për realizimin e këtyre projekteve kapitale dhe u zotua se investimet nga komuna do të vazhdojnë, me qëllim të lehtësimit dhe përmirësimit të jetës së qytetarëve llapjanë.
