PodujevaSot – Ndër mediat më të lexuara në Kosovë ditën e zgjedhjeve

Të dielën u mbajtën zgjedhjet komunale në Kosovë, një ditë dinamike e mbushur me ngjarje e raportime nga të gjitha komunat. Gjatë kësaj dite, portali PodujevaSot ishte ndër mediat më aktive dhe më të lexuara në vend.

Që nga orët e para të mëngjesit e deri pas mesnate, PodujevaSot informoi publikun me lajme të vazhdueshme për procesin e votimit, pjesëmarrjen e qytetarëve, rezultatet preliminare, exit poll-et dhe reagimet e para nga shtabet zgjedhore.

Portali arriti mbi 15 milionë e 800 mijë shikime, ndërsa gjatë muajit të fundit shifra totale e lexuesve ka kaluar 50 milionë. Këto statistika e dëshmojnë fuqishëm besimin që qytetarët kanë ndaj këtij mediumi dhe rolin e tij si një prej burimeve më të rëndësishme të informimit në vend.

PodujevaSot do të vazhdojë raportimin e detajuar për rezultatet përfundimtare të zgjedhjeve, me fokus të veçantë në kandidatët për Kuvendin Komunal të Podujevës dhe zhvillimet politike që pasojnë këtë proces.