Vetëvendosje nuk i përjashton zgjedhjet e parakohshme si opsion

Dy deputetë të Lëvizjes Vetëvendosje, Mefail Bajqinovci dhe Arbër Rexhaj, kanë dhënë mendimet e tyre për formimin e qeverisë, derisa janë edhe dymbëdhjetë ditë para se të përfundojë afati kushtetues.

Deputeti Arbër Rexhaj, ka deklaruar se partia e tij mbetet e përkushtuar për formimin e qeverisë, por, sipas tij, është e gatshme të shkojë në zgjedhje në rast se kjo nuk ndodh.

Në Debat Plus, Rexhaj theksoi se zgjedhjet nuk janë qëllim, por mundësi e fundit nëse nuk sigurohet shumica e nevojshme parlamentare.

Sipas tij, Vetëvendosje tashmë ka shumicën e votave nga deputetët e komuniteteve që përkrahin Kurtin, çka e bën këtë subjekt politik alternativën e vetme për formimin e qeverisë.

“Kemi thënë që zgjedhjet janë zgjidhja e fundit. Mirëpo meqë keni mund me pa deklaratën e kryeministrit Kurti, ku thotë se nëse nuk e bëjmë ne qeverinë, shkojmë në zgjedhje. Jo në kuptimin arrogant, as në kuptimin që patjetër ne duhet me bë. Mirëpo në kuptimin e asaj që nuk ka konstelacion tjetër, pra të përbërjes së qeverisë. Pos të LVV e cika e ka shumicën të pjesës së deputetëve që i përfaqësojnë minoritetet, që janë së bashku me kryeministrin Kurti. Dhe në këtë kuptim LVV-ja është e gatshme për zgjedhje qoftë menjëherë. Mirëpo synojmë që ta bëjmë qeverinë…”, ka thënë Rexhaj.